ഹാ.. ച് ച്ഛീ..!!!
അകലെയിരുന്നാരോ
എന്നെക്കുറിച്ച് പറയുന്നുണ്ടെന്ന്
പറയുവാന്
എനിക്കൊരു തുമ്മല് വേണം......
ഒന്നുറക്കെയലറി
എന്റെ വാടകവീടിനെ
നടുക്കി എനിക്കു പറയണം;
‘എന്നെക്കുറിച്ചാരോ
ഓര്ക്കുന്നുണ്ടിപ്പോഴും...’
മൂക്കും മുഖവുമെരിയുമ്പോള്
തന്നെ എന്തൊരു
പ്രതീക്ഷയാണ്.......
കണ്ണുകളിറുക്കി, നെറ്റിചുളിച്ച്....
ഹൊ......
ആ നിമിഷമാകും
നശിച്ച ഒരു കോട്ടുവായോ,
ചുമയോ കേറി വന്ന്
അലോസരപ്പെടുത്തുക...
ഒടുവില്,
രണ്ടും കൂടെ സമ്മിശ്രപ്പെട്ട്
രണ്ടുമല്ലാത്ത മറ്റെന്തോ പോലെ......
അപൂര്ണ്ണമായ
ഓരോ തുമ്മലിന്റേയും
അസ്വസ്ഥതകള്ക്കൊടുവില്
ഞാന് കൊതിക്കാറുണ്ട്,
വെറുതെ ഒന്നലറുവാന്........!
--------------------------------------------------------
E.M.I
ഒരു വീടെന്നത്
ഇന്നലെവരെ
ഒരു സ്വപ്നമായിരുന്നു...
ഇന്നെനിക്ക് ആ സ്വപ്നമേയില്ല.....!
ഒരിക്കലും തീരാത്ത
മാസഗഡുക്കള്ക്ക് മീതെ
ഞാനെന്റെ സ്വപ്നത്തെ
പണയപ്പെടുത്തുകയായിരുന്നു....
വീടായാല് ഒരു പേരുവേണം..,
പേരായാല് പുതുമ വേണം....
അതുകൊണ്ട് എന്റെ വീടിന്
ഞാനൊരു പേരിട്ടു;
E.M.I ഭവന്......
എല്ലാ വീടുകളേയും ഓരോ
ദൈവങ്ങള് കാത്തുകൊള്ളുമെന്നത്
വിശ്വാസികളുടെ വിശ്വാസം...
അതുകൊണ്ട്,
അതുകൊണ്ടുമാത്രം
കട്ടിളത്തലയ്ക്കല്
ഞാനുമൊന്നു തൂക്കി;
S.B.T ഈ വീടിന്റെ ഐശ്വര്യം..........!
8 comments:
എന്താ പണിക്കരെ.....തുമ്മലും ചീറ്റലും????മഴനഞ്ഞോ??.....സസ്നേഹം
നന്നായി രണ്ട് കവിതകളും. നിർത്താതെ തുമ്മുവാൻ കഴിയട്ടെ എന്നനുഗ്രഹിക്കുന്നു.എസ്. ബി.റ്റിതന്നെ കാത്തുരക്ഷിക്കുകയും ചെയ്യട്ടെ!
കവിതകൾ നന്നായി, എന്റെ വീട് കാനറ ഭവൻ ആകുന്നു!
ഉടല് ഉരിയുന്നു, അല്ലേ... നന്നായി, രണ്ട് കവിതകളും.
ഈ ഓണക്കാലത്ത് നിറുത്താതെ തുമ്മട്ടെ എന്നാശംസിക്കുന്നു...! :-) തുമ്മൽക്കവിത കൂടുതൽ ഇഷ്ടമായി.
EMI കവിത ഇഷ്ടപ്പെട്ടു.... ഞാന് ഇത് വായിച്ചു താങ്കളെ ഓര്മിച്ചു.... തുമ്മികാണുമല്ലോ???? :-))
വൃത്തവും അര്ത്ഥവുമില്ലാത്ത കവിതയുടെ കയറ്റിറക്കങ്ങളിലെ വീണ്വാക്ക്....
...............
വൃത്തമെന്തിനാ കവിത മതി
paavam SBT ..lolz
Post a Comment